ара

I

зат. зоол. Тропикалық ормандарда тіршілік ететін тотықұстардың бір түрі. А р а л а р сөзді тез ұғады, қолда ұстауға ыңғайлы және бірнеше сөзді жаттауға қабілетті келеді (Құстар, 57). Тотының ең үлкені – а р а . Ол Оңтүстік Американың тропикалық ормандарында өмір сүреді (Тірі табиғат, 37).

II

Ара желімі. Ара ұясынан қырып алынатын қоңырқай көкшіл түсті зат. Егер жаздың ыстық күнінде омартаны ашса, қоңырқай-көкшіл түсті, хош иісті затты көруге болады, міне, бұл прополис. Омарташылар оны а р а ж е л і м і деп атайды (Ара шаруаш., 116). Ара наны. Ара ұяшықтарына нығыздалған, үстіне күрделі ферментативтік процестен өткен бал құйылған гүл тозаңы (Ара шаруаш., 4). Ара сүті. Бал арасының сүті. А р а с ү т і – жүрек жұмысын жақсартып, тәбетті ашатын және организмнің түрлі ауруға қарсылығын арттыратын бағалы шипалық зат (Ол кім. Бұл не? 1, 176). А р а с ү т і н көп елдерде «корольдің тәтті тамағы» деп атайды (Ара шаруаш., 4). Ара уы. Бал арасының уы. А р а у ы экспериментен мүдірмей өткен, біраз науқасқа ем, шипалы у (Ара шаруаш., 5).

III

Ара би. этногр. Аралық би; бейтарап би. Бұл кезде би лауазымының мынандай түрлері болды: төбе би, а р а б и, ауыл биі т.б. (Н.Мыңбатырова, Төле би., 22). Арасын ашты. Тату жүрген екі адамның арасын ажыратты, араздастырды.